Álitisfólk

Álitisfólkini eru ein sera týdningarmikil liður í arbeiði felagsins. Sum umboð felagsins er tað tey, ið starvsfólk venda sær til í truplum støðum og við spurningum.

Tey eru andlit felagsins úteftir, bæði yvir fyri limum, leiðslum og arbeiðsplássum sum heild.

Hetta fáa álitisfólk

Grundútbúgving, skipað í tveimum grundskeiðum á tveir dagar til hvørt skeið
Luttøku á tveimum álitisfólkafundum um árið, í arbeiðstíð við løn
1 eyka lønarstig í lønartalvuni (galdandi fyri land og kommunur)
ella fasta upphædd í eyka løn til felagsálitisfólkið (galdandi fyri Føroya Tele, Posta og Vága Floghavn)

Álitisfólkaverjan

Álitisfólk hava serliga verju móti uppsøgn
Longd uppsagnartíð í mun til aðrar limir
Uppsøgn av álitisfólki er álvarsamt mál, ið skal viðgerast á sáttmála- og leiðslustigi

Leikluturin sum álitisfólk

Uppgávan mótvegis limum

Vera sjónlig/ur og kunna limir regluliga um semjur, tiltøk og onnur felagstíðindi
Kenna sáttmálan og aðrar avtalur
Ansa eftir at lógir, reglur og sáttmálar verða hildin í sáttmálaøkinum
Tryggja at starvsfólkini verða hoyrd og hava ávirkan á arbeiðsplássinum
Arbeiða fyri at fáa hugskot hjá limum við, bæði í tí dagliga og tá nakað nýtt skal setast í verk
Stuðla limunum og søkja loysnir í møguligum ósemjum
Umboða limirnar í starvsfólkamálum
Skapa sambond millum limir, leiðslu og aðrar partar