Umhugsar tú at stilla upp til nevndina í Starvsfelagnum?

Tú ert longu ein týdningarmikil partur av felagnum – hví ikki taka næsta stig?

Longu nú ber til at stilla upp til nevndarvalið 2026. Til valið skulu veljast 2 nevndarlimir og 2 tiltakslimir – ávikavist fyri 3 ár og 1 ár. Sum limur veitst tú, hvussu stóran týdning ein sterkur felagskapur hevur. At stilla upp til nevndina gevur tær møguleikan at ávirka arbeiðskor, løn og rættindi hjá útvið 2000 limum á føroyska arbeiðsmarknaðinum. 

 

Hví stilla upp?

Nevndin er hjartaslátturin í felagnum, og tú kanst verða við til at mynda hann.

• Tú fært veruliga ávirkan á framtíðarviðurskiftini hjá limum felagsins

• Tú mennist bæði fakliga og persónliga

• Tú hittir sterkar og eldhugaðar fakpersónar

• Tú fært mánaðarliga samsýning fyri at sita í nevndini

• Tú fært møguleika at luttaka á altjóða fundum

Tað skal kennast gevandi – ikki krevjandi. Tí hevur Starvsfelagið góðar karmar, ið taka atlit til bæði arbeiði og frítíð.

 

Hvat nú?

Tað einasta tú skalt gera nú, er at vísa, at tú ert áhugað/ur. Tú bindir teg ikki til nakað – vit vilja bara hoyra frá tær. Vit seta okkum í samband við teg og greiða tær nærri frá.

👇 Fyll út frymilin niðanfyri 👇